محنشة باللوز سهلة جدا :

-السلام عليكم جارتي كتعجبك محنشة باللوز
و عندك اللوز وبغيتي ديريها وليني بغيتي ديريها 
بطريقة سهلة انا جبتها ليك جارتي العزيزة مافيهاش 
الخدمة بزاف و كتجي رائعة :

نبداو بسم الله :

مقادير محنشة باللوز :

500 غرام الورقة ديال البسطيلة 
250 غرام لوز
125 غرام سنيدة
اصفر بيضة 
3 معالق كبار زبدة دايبة
2 معالق كبار ماء زهر 
ربع معلقة صغيرة قرفة
2 معالق كبار عسل 
للتزيين :
عسل

طريقة تحضير محنشة باللوز :

كنسلقو اللوز لمدة 5 دقائق ونمسحوه من الما

مزيان و نبداو نطحنو فيه مع السكر ونديرو معاه

الزبدة دايبة و القرفة و الما زهر نعجنوهم حتى

يولي عندنا العقدة ديال اللوز 

من بعد كنقطعو ورقة البسطيلة على شكل

مستطيل وندهنوها بالزبدة دايبة 

كنديرو الحشوة فوق الورقة

ونلويو عليها الورقة

حتى تولي على شكل لولب وندهنوها

من الفوق باصفر البيض

ونبقاو بحال هاكا تنكملو الكمية كاملة ونستفوهم
فطاوة مدهونة بالزيت وندخلوهم يطيبو لمدة 15 دقيقة

وكنسقيوها بالعسل ومن بعد نقطعوها

وكنقدموها باردة

و هاهيا بالصحة و الراحة جارتي كنتمنى تجربيها

طاجين بالبصلة و الزبيب و اللوز:

طاجين بالبصلة و الزبيب و اللوز :

السلام عليكم و رحمة الله و بركاته 
باسم الله الرحمان الرحيم 
موقع الطبخ المغربي يقدم : 

طاجين بالبصلة و الزبيب و اللوز

نبداو على بركة الله :

كناخدو الطاجين نديرو فيه شوية زيت الزيتون حتى يسخن ثم 

كنضيفو الدجاج وكنضيفو العطرية ( ملح ،إبزار،سكين جبير،خرقوم 

بلدي ،شوية بسيبيسة وقعقلة مطحونين،ملون )

ثم الثوم مدقوق والمعدنوس و القسبور مقطعين رقيق وبصلة 

مشلضة.

كنشحرو الدجاج مزيآآآن في القوام ديالو ثم كنوجدو كمية كثيرة من 

البصل كنقطعوها جوانح كنملحوها و كنضيفوها فوق الدجاج ثم 

كنرشو فوقها القرفة وكنضيفو الزبيب و كنسدو على الطاجين ديالنا 

ونخلوه إيطيب غير في الماء لي غيطلقو البصل .

ملي إيطيب كنزولو ليه الغلاقة ونزيدو شوية القرفة ونخلوه يشرب 

مزيآان وهاهو واجد نقدرو نزينوه بشوية اللوز ونقدموه 

بالصحة والراحة 

طاجين الدجاج البلدي بزيت اركان

طاجين الدجاج البلدي بزيت اركان;

المقادير طاجين الدجاج البلدي بزيت اركان:

كيلو من الدجاج المقطع

- بصلتين كبيرتين مشلضة

- ابزار+زعفران حر+الخرقوم

- الحامض المرقد

- ملحة سكنجبير من المستحسن يكون اخضر

- قزبر ومعدنوس

طريقة التحضيرطاجين الدجاج البلدي بزيت اركان:

نصيف زيت اركان في الطاجين وهو على المجمر من بعدما كنشلضو 

البصلة انديروها مع الزيت فطاجين من بعد كنشرملو الدجاج بالابزار 

و الزعفران الحر واخرقوم والحامض المرقد والملح وسكنجبير تم 

نستفوه فطاجين انخليوه يتشحر من بعد كنزيدو عليه قزبور 

ومعدنوس مقطعين ثم البصلة شرائح ثم الزبيب و الزيتون ويترك 

يطيب على خاطرو فوق المجمر

بالصحة و الراحة